Четири лица, од кои тројца полициски службеници се повредени во сообраќајна незгода што вечерва се случила на магистралниот пат Охрид – Струга, кај крстосницата за струшкото село Мислешево, потврди портпаролот на СВР-Охрид, Стефан Димоски.
Според него, незгодата се случила во 17 часот и 33 минути меѓу патнички моторни возила „форд“ со скопски регистарски ознаки, сопственост на МВР и „опел“ со струшки регистарски ознаки, сопственост на М.А.(52) од Струга.
– Во незгодата со телесни повреди се здобил возачот на опелот, констатирани во Медицинскиот центар Струга. Патниците во полициското возило, Д.П.(29) и Д.К.(28), двајцата од Скопје и Д.Ј.(31) од Куманово, се префрлени во болницата „Св. Еразмо“ во Охрид за укажување лекарска помош. За карактерот на нивните повреди ќе следува дополнителна информација, изјави Димоски.
Увид на местото на незгодата вршат полициски екипи.
