Четворица цариници се повредени во сообраќајната несреќа што се случи утринава при превртување на комбе на Царинската управа на автопатот Куманово – Скопје.
Сообраќајката се случила во 7:15 часот по одвојувањето на автопатот кон обиколницата или кон Скопје.
Двајца од повредените се префрлени во Градската општа болница „Наум Охридски“, а двајца на Клиничкиот центар во Скопје. Засега нема информации за какви повреди станува збор.
На местото на несреќата се врши увид од страна на увидна екипа на МВР која треба да ги утврди причините кои ја предизвикале сообраќајката.