Академијата за судии и јавни обвинители во соработка со Мисијата на ОБСЕ во Скопје, организира тркалезна маса посветена на темата: „Говор на омраза”.
Тркалезната маса ќе се одржи во просториите на Академијата за судии и јавни обвинители и е наменета за судии и јавни обвинители од сите инстанци и од сите апелациони подрачја, новиннари, како и претставници од други релевантни институции.
Целта на тркалезната маса е да се овозможи стручна дебата за говорот на омраза и криминалот од омраза, кои во последно време стануваат многу актуелни и предизвикуваат голем број на прашања и полемики во јавноста.
Најчесто дилемите се јавуваaт при дефинирањето, препознавањето и отфрлањето на говорот на омраза како негативен комуникациски феномен, кој пред сé, предизивкува, поттикнува и промовира омраза заснована на нетолеранција, како и за санкционирањето на криминалот од омраза за кој во сите демократски општества постојат законски санкции, па оттука се наметна и потребата за организирање на оваа тркалезна маса, каде ќе бидат разгледани сите правни аспекти.
Во рамките на двете работни сесии на горенаведената тема ќе говори Академик проф. д-р Владо Камбовски, претседател на Македонската aкадемија на науките и уметностите.