Триесет сообраќајки викендов во Скопје, тешко повреден пешак

Од:

Пешак е тешко повреден, а десет лица се здобиле со полесни повреди во десет од вкупно 30 регистрирани сообраќајни несреќи изминатиот викенд на подрачјето на СВР Скопје.

Сообраќајната полиција во петокот извршила увид на 15 сообраќајни незгоди, од кои во една е тешко повреден пешак, во шест со полесни повреди се здобиле шест лица, а останатите се со последица материјална штета.

Од осумте сообраќајни незгоди регистрирани во саботата, во две со полесни повреди се здобиле две лица, а шест се со последица материјална штета.

Вчера, пак, се случиле седум сообраќајни незгоди, при што во една полесно се повредени две лица. Во останатите е причинета материјална штета.

Сообраќајната полиција во текот на изминатите три дена открила поголем број прекршоци. Преземени се мерки за 69 возачи, кои не ги почитувале ограничувањата на движење на возилата, седуммина се исклучени од сообраќај бидејќи возеле под дејство на алкохол, петмина поминале на црвено светло на семафор, а тројца не ги почитувале правилата за престигнување. Санкционирани се и 12 возачи кои при возење не користеле сигурносен појас или зборувале на мобилен телефон, 37 возачи без возачка дозвола односно нерегистрирани возила, 104 за непрописно паркирани возила, како и 16 возачи на велосипеди со мотор, мопеди и мотоцикли кои за време на возењето на пат не го носеле заштитниот шлем на глава.

Со помош на специјалното возило „пајак“, отстранети се 105 возила.

Би можело да ве интересира

Во Скопје 474.304 граѓани со право на глас ќе избираат помеѓу 16 кандидати за градоначалник и 19 листи за советници

Ѓорѓиевски: Скопје ќе стане првиот целосно – paper free град во државата, дигитален, модерен и транспарентен

(ВИДЕО) Запалени три возила во Аеродром, штетат е голема, полицијата уапси двајца пиромани

Горан Наумовски

Шукова од Кисела Вода: Имаме решенија загадувањето да не биде зимска судбина за Скопје

Влен: Синоќа Скопјe беше трансформирано во центар на албанското единство

Горан Наумовски

Во недела ќе биде осветен Храмот „Свети Константин и Елена“ во центарот на Скопје