Три пожари во велешко за еден ден, активен крак на пожарот меѓу Сопот и С’лп

Од:

Три пожари биле регистрирани во велешко во текот на вчерашниот ден и ноќта, информираат од Територијалната противпожарна единица (ТППЕ) Велес. Пожарите биле на различни локации, а во гасењето покрај пожарникарите учествувале и жители, локалната самоуправа и доброволци.

Синоќа во 22:30 часот, во ТППЕ Велес била примена дојава за запалена шума на ридот меѓу селата Сопот и С’лп. Екипа со едно противпожарно возило и двајца пожарникари веднаш се упатила на терен.

Пожарот бил ставен под контрола, но еден крак и натаму гори поради непристапниот и тежок терен, што го отежнува гасењето.

Претходно, вчера во 17:02 часот, пожар избувнал кај железничката станица во Богомила, каде што се запалила сува трева, а огнот зафатил и складирани железнички прагови и бандери покрај пругата.

На терен излегле две противпожарни возила со четворица пожарникари. Во гасењето учествувале и жители на Богомила, вработени од Општина Чашка, екипи на ЈПКД „Тополка“, како и доброволци од здружението „Бабуна“.

Со брзата интервенција пожарот бил локализиран и било спречено негово проширување кон објектите. Од Општина Чашка информирале дека во пожарот биле изгорени треверци на самата пруга кај Богомила.

Од Железничката станица во Велес информираат дека и покрај пожарот, возовите на релацијата Скопје – Велес – Богомила – Битола и обратно сообраќале и синоќа и денеска.

Вчера во 10:15 часот била пријавена и запалена сува трева меѓу селата Бузалково и Сливник. ТППЕ Велес интервенирала со едно противпожарно возило и четворица пожарникари-спасители.

Пожарот зафатил околу два хектари трева и грмушки, но со помош на жители од Бузалково и Сливник, кои учествувале со луѓе и механизација, бил брзо ставен под контрола и целосно изгаснат.

Од ТППЕ Велес апелираат граѓаните да бидат внимателни и да не предизвикуваат пожари. Доколку забележат пожар, веднаш да го пријават на бесплатните телефонски броеви 193 или 112.

Би можело да ве интересира

Пожар во подземниот паркинг на КАМ мол во Ѓорче Петров, евакуирани посетителите

Горан Наумовски

Изгорен стан во Белград, во ходникот пронајдено тело на 55 годишник

А1он

Двајца пожарникари загинаа додека гасеа пожар во близина на Атина

Нема повредени при запалените куќи на Бит-пазар, полицајци сѐ уште присутни на лице место

Нов сомнеж за саботажа во Германија: Изгореа три градежни возила на градилиште на Рајнметал

Предраг Петровиќ

(ФОТО) Татко и син живи ќе изгореа во пожар во куќа во Белград – спасени во последен момент

А1он