Три недели по Нова година се роди првото новороденче во Виница

Од:

Три недели по прославата на Нова Година, пристигна првороденото бебе во општина Виница за 2020 година. Се работи за девојче кое веќе го доби името Калина, а на свет ја донесе мајката Симона Соколова, која се породила во болницата во Штип.

Новата рожба, која е втора ќерка за семејството Соколови, ја честиташе градоначалникот на Виница, Ивица Димитров при што врачи пригодни подароци со желби за здравје и среќа на бебето.

– Се надеваме дека првороденото женско бебе годинава во нашата општина ќе донесе плодност и бериќет. Тоа е повеќе од неопходно со оглед на постојаното опаѓање на наталитетот. Од име на Општината подаривме пакет бебешки производи и ваучер од осум илјади денари, истакна градоначалникот Димитров.

Главна причина за падот на наталитетот во Виничко во изминатите две децении е иселувањето на населението во странство, главно млади пред да стапат во брак, но и млади брачни парови.

Трендот на опаѓање на бројот на новороденчиња во Виница го потврдија и од православниот храм „Св. Архангел Михаил“, каде во 2019 година биле крстени 103 бебиња, што е за петнаесетина помалку во споредба со претходната година. Освен тоа, забележан е и пад на бројот на венчавки, па лани биле склучени 52 брака, за десетина помалку во споредба со 2018 година.

Би можело да ве интересира

Во болница во Куманово донесено десетмесечно бебе затруено со лекови

А1он

Бебе од Отља се затру со лекови

Бебе однесено во болница со тешки повреди е, уапсен е член на семејството

Горан Наумовски

Мајката од Бања Лука која се обиде да го задуши своето бебе е ослободена

А1он

На 57 години Соња се породи во Скопје, со 61 годишниот сопруг планираат уште деца

А1он

Тело на бебе најдено во вреќа за ѓубре на депонија во Приштина

А1он