Три лица се повредени во сообраќајка што се случи изутрината во 6.30 часот на крстосницата меѓу булеварот „Борис Трајковски“ и улица „Петар Дељан“ во скопската општина Кисела Вода.
Во сообраќајката учествувале патничко моторно возило „Опел Вектра“ со тетовски регистарски таблици и комбе „Мерцедес“, со скопски регистарски таблици.
Во Ургентниот центар се пренесени со телесни повреди возачот-жена И.С.Т (1978) на „Опел вектрата“ и нејзината сопатничка Б.С. (1957). Со комбето управувал Б.М. (1957), а е повредена неговата сопатничка Г.Р. (1976), која со телесни повреди е пренесена во градската болница „Наум Охридски“.