Собранието денеска треба да го одржи третото продолжение на 74 седница на чиј дневен ред е Извештајот на Европската комисија за Република Македонија за 2015 година.
Пратениците на ова продолжение треба да расправаат и за предлог-законите за изменување и дополнување на Законот за постапување со бесправно изградени објекти, Законот за градење, Законот за учебници за основно и средно образование и Кривичниот законик.
На дневен ред се и измените на Законот за придонеси од задолжително социјално осигурување, на Законот за пензиското и инвалидското осигурување, Законот за здравственото осигурување и на Законот за учебници за основно и средно образование, како и дополнувањето на Законот за безбедност на сообраќајот на патиштата.
Пратениците ќе расправаат и по Предлог законот за вработување и работа на странци, Предлог на закон за пробација, Предлог на закон за амнестија,како и автентично толкување на член од Законот за трговски друштва и Информација за загадување на амбиентниот воздух во Република Македонија.