Македонски Железници ја укина Орешка станица, единствената станица на пругата Богомила – Прилеп која ја користеа планинарите кои се искачуваа кон врвот Солунска Глава, како и жителите од двете планински села Ореше и Папрадиште.
Информацијата ја потврдија од планинарскиот дом „Папрадиште“:
„Ги информираме сите патници, планинари и жители на околните села Ореше и Папрадиште кои го користат возот Скопје- Битола- Скопје дека од 1- ви јули 2023 год. ЈП Македонски железници трајно ја укинааОрешка станица, и возовите веќе не сопираат на оваа железничка постојка“.
Планинарите велат дека Македонски Железници АД Транспорт ја укинале постојката затоа што нивната анализа покажала дека многу малку луѓе и планинари се симнувале на станицата и возот непотребно губел 30 до 65 секунди време и залет кон угорницата пред долгиот тунел за прилепско Гостиражни.
“Тоа е дека од 1- ви јули 2023, железничката постојка на Орешка Станица( после Богомила) на пругата Скопје-Битола- Скопје се УКИНУВА, оти многу ” малку” планинари и луѓе се симнувале и возот непотребно губел од 30 до 65 секунди залет и време.
Со одлуката на МЖ базирана на сериозна и сеопфатна анализа, укинати се и други стојалишта од и онака ужасно малиот број линии“, истакна Игор Смилев од планинарскиот дом во Папрадиште.