Кандидатот за градоначалник на Град Скопје на ВМРО-ДПМНЕ и коалицијата „За подобра Македонија“, Коце Трајановски ја посети индустриската зона „Визбегово“ каде оствари средби со повеќе бизнисмени.
На средбата стана збор за досегашната соработка помеѓу Градот Скопје и претставниците од индустриската зона и за нејзино продлабочување.
– Како градоначалник се заложив и во иднина ќе работам градската администрација и јавните претпријатија да бидат во функција на подобрување на условите за работа во индустриските зони и за нивен побрз развој, рече Трајановски.
Тој им презентираше дел од проектите од изборната програма кои се во насока на подобрувањето на инвестицискиот амбиент во Скопје.