Кандидатот за градоначалникот на Град Скопје од ВМРО-ДПМНЕ и коалицијата „За подобра Македонија“ Коце Трајановски денеска оцени дека кампањата за претстојните локални избори се одвивала фер и демократски.
– Уверен сум дека ќе ја добиеме поддршката на скопјани, врз основа на оние проекти кои им ги нудиме во нашата изборна програма. Освен за мене, ја барам поддршката и за Советот на Град Скопје бидејќи без Советот нема да можеме да ја реализираме оваа програма, рече Трајановски.
Тој ги повика граѓаните на Град Скопје на 24 март да излезат масовно и да му ја дадат поддршката за градоначалник, но и за Советот на Град Скопје, предводен од Владо Поповски.
На традиционалната манифестација „Денови на пролетта – Денови на екологијата 2013“ што се одржа во Зоолошката градина во Скопје настапија ученици од Детскиот културен центар „Карпош“, а се садеа и садници.