Македонија неделава се најде во фокусот на светските медиуми поради три настани: инцидентот во Гошинце, посмртниот венец испратен до новинарот Борјан Јовановски, како и синоќешното прегазување на 14 мигранти на пругата Велес – Скопје.
Трите инцидента, кои се случија во период од три дена, се најдоа во познатите светски медиуми, вклучувајќи ги и „Еуроњуз“, „Еј-Би-Си њуз“, „Хафингтон пост“, „Индепендент“, „Гардијан“ и „Вашингтон тајмс“. Информациите што се објавени се извештаи на познатите светски агенции „Ројтерс“, „Асошиејтед прес“, АФП и „Блумберг“.
Сепак, информацијата за загинувањето на сомалиските и на авганистанските мигранти предизвика поголем интерес кај светските медиуми, оти дојде по минатонеделната трагедија во Срдоземно Море, во која се удавија околу 900 илегални мигранти, и по вчерашниот вонреден самит на ЕУ за справување со шверцот на луѓе во Средоземно Море.
Извор: Мета