Маратонска, полумаратонска трка и рекреативно возење околу Мавровското езеро ќе се одржат денеска во рамки на традиционалниот „Мавровски велосипедски маратон“. Ќе се вози на релација Маврово-Леуново-Сандакташ-Чавкарник-Лазарополе-Тресонче-Селце-Маврово, во вкупна должина од 90 км за маратонците и 42 километри за полумаратонците.
Натпреварувањето ќе биде спроведено согласно правилникот на Велосипедската Федерација на Македонија.
Истовремено денеска за сите љубители на велосипедизмот и на природните убавини на нашата земја ќе се одржи и рекреативното возење околу Мавровското Езеро.
Организатори на манифестацијата се велосипедскиот Клуб Енерџи – Скопје, националниот Парк Маврово и Општина Маврово – Ростуше, а подржано од автомобилскиот бренд Шкода.