Две лица се повредени откако товарен воз удри во автобус во селото Свиларе, на патниот премин на пругата Скопје-Кичево.
Според информациите на полицијата, несреќата се случила вчера околу 10,15 часот кога товарен воз управуван од машиновозачот Ј. Д. удрил во автобус со скопски регистарски ознаки управуван од И.М.(32) од село Грчец, скопско. Возачот и патникот во автобусот М.М.(45) од село Долно Свиларе се здобиле со повреди и биле пренесени во Комплекс клиники „Мајка Тереза“ за укажување лекарска помош.
Железничкиот сообраќај бил во прекин во времето од 10.15 до 15.20 часот.