„Според првичните информации, пожарот настанал како последица од искри од пиротехнички средства од кои се запалила кровната конструкција. Според првичните информации, 51 лице го загуби животот, а има над 100 повредени во трагедијата во Кочани. Во овој момент најбитно е да утврдат сите факти и докази, да изразиме сочувство до фамилиите, да бидеме смирени во сите чекори, за вакво нешто да не се повтори“ изјави предмалку министерот за внатрешни работи Панче Тошковски.
Тој рече дека „Секој кој има одговорност, ве уверувам дека ќе одговара. Преку оперативниот штаб е дадено напаствие до сите клиники, болници по идентификација на загинатите да бидат известени фамилиите. Секако мора да се постапи по насока на обвинител, да се изврши обдукција. Починати има во повеќе болници“.
„Сите информации ќе бидат споделени за 2 часа. Дел од лицата се приведени, дел од организаторите на настанот се дел од оние кои се тешко повредени. Во координација сме со ЈО, упатени се истражители тука“ рече Тошковски.
Порача дека „Секој еден од нас треба да чувствува морална одговорност, не познавам нормален човек што не би имал морална одговорност“.
