Кандидатот за градоначалник на ВМРО–ДПМНЕ за општина Центар Владимир Тодоровиќ денеска најави нова инфраструктура во Маџир Маало.
Тој објасни дека по донесениот ДУП за Маџир Маало, обврска на општината е на 10-тина улици да изгради коловози, атмосферска и фекална канализација, улично осветлување и да постави нова урбана опрема.
– Прво ќе се почне со улицата „Ѓуро Ѓоновиќ“, а потоа со „Вардарска“, „Охридска“, „Велешка“, „59“, „Петричка“, „Прилепска“, „Преспанска“, „Браќа Кошулчеви“. Вкупната инвестиција за овие улици е околу 70 милони денари, но има можност инвестицијата да чини и околу 100 милиони денари, рече Тодоровиќ.
Според него, тоа е голем инвестициски циклус што ќе го реализира општината во наредните неколку години.