„Уште колку пати треба да се повтори фактот дека Никола Груевски не е Премиер на државата, туку само претседател на ВМРО-ДПМНЕ. Тој и понатаму не може да се оттргне од улогата на Премиер и продолжува да манипулира со граѓаните.
Имено, тој уште манипулира со населението од Долно Количани ветуваќи им решение на долгогодишниот проблем со водоснабдувањето.
Го прашуваме Груевски, зошто за време на 10 годишно менаџирање со власта не се присети на овие граѓани и не се ни потруди да направи чекори за надминување на овој проблем? Зошто секогаш само пред избори Груевски се присетува на Турците, а после изборите има кратка меморија? Во неговото 10 годишно владеење тој потроши повеќе од 25 милијарди евра, а сепак поголем дел од Турците сѐ уште живеат во најмизерни и праисториски услови.
Итно го повикуваме Никола Груевски да престани со ваквите манипулации и спинувања и конечно да се соочи со вистината дека тој веќе не е Премиер на Република Македонија“, велат од Партија за Движење на Турците во Македонија