„Иако бавно, сепак во Република Македонија без престанок продолжува процесот на декриминализација и дегрујовизација на власта, со што се враќаат демократските вредности и животот во Македонија.
Самиот факт што мнозинството граѓани (612.000) се определија за промени и просперитетна демократска Македонија е голем мотив и одговорност да се истрае во оваа битка за враќање на стабилноста и демократија.
И покрај неуставното фаворизирање од страна на Претстедателот Иванов, Груевски не успеа да формира влада со што уште еднаш се потврди тезата дека векот на таквите криминални политичари веќе е завршен. Груевски е само црна страница во историјата!
Затоа во име на Турците во Македонија, а и сите нејзини граѓани, го повикуваме Претседателот Ѓорге Иванов да пристапи констурктивно, да го почитува Уставот и одговорноста за состав на нова Влада да ја предаде во рацете на лидерот на „Коалицијата за живот во Македонија“, Зоран Заев, кој низ целиот процес докажа дека е лидер кој има капацитет и квалитет да ја врати стабилноста на Република Македонија.
Исто така апелираме до сите политички субјекти, без разлика на нивната етничка или идеолошка матрица, да се дистанцираат од ВМРО-ДПМНЕ и нејзините деструктивни политики.
Граѓаните заслужуваат економски-демократски стабилна земја во која ќе владее правото и секој поединец ке добие еднаков третман и шанси. А идната Влада предводена од „Коалицијата за живот во Македонија“ ќе биде засновена токму на тие принципи“, се вели во соопштението на Партија за движење на Турците (ТХП).