Продавачите од Бит пазар денеска ги напуштија своите тезги и излегоа на двочасовен штрајк кај клучката пред пазарот со цел да го блокираат сообраќајот на улицата и да им укажат на властите од општината дека не се задоволни од условите на пазарот.
Имаат три барања, сакаат да го добијат одобрението од општината за реконструкција на пазарот и негово целосно покривање, на што чекаат веќе 5 години.
Како второ, бараат да се реши проблемот со дивите пазарџии, кои им одземаат голем дел од прометот, и трето да се регулираат односите кои ги имаат со „Скопски пазар“.
Го одбрале местото кај клучката затоа што сметаат дека општина Чаир е надлежна да им помогне за првите две барања.
Фото: Плусинфо