Теута Арифи денеска и официјално ја презеде функцијата за градоначалник на Тетово, откако претседателот на општинската изборна комисија, Илјаз Халими и го предаде сертификатот.
– Веднаш почнуваме со реализација на нашата визија за Тетово претставена во изборната програма и затоа не очекува напорна работа за која бараме и поддршка од граѓаните со цел да го реализираме планот за издигнување на културната, економскта и образовната сила на општина Тетово, изјави Арифи.
Општината, додаде таа, да биде отворена и транспарентна институција за унапредување на условите за живот, а Тетово урбан град со чиста животна средина и центар на богат културен и образовен живот препознатлив по економскиот развој и образовен и научен центар интегриран во регионалните и меѓународните случувања.
На примопредавањето на градоначалничката должност не присуствуваше досегашниот градоначалник, Сади Беџети.