Територијалната противпожарна единица од Тетово со претставување на дел од опремата и професионалните вештини на градскиот плоштад во Тетово го одбележа Денот на пожарникарите.
– Сакаме граѓаните да видат дека сме подготвени да им излеземе во пресрет кога им е најтешко. Денеска сакаме да ги покажеме скалите за интервенција на висококатници што ни се донација од операцијата Флоријан од Манчестер, како и гасење на пожар со пена. Во моментот ни недостасува возило со скали за интервенции на висококатници над четвртиот кат, изјави командирот на ТППЕ Ука Алити.
Пожарникарите денеска ги промовираа и новите униформи што ги добија во соработка со општина Тетово.
Во рамки на одбележувањето на Денот на пожарникарите беа доделени благодарници и признанија на фирми и граѓани кои со својата хуманост придонеле во работата на Противпожарната единица.