17-годишно момче е повредено во сообраќајна несреќа во Прилепско. Според полицијата, вчера во 9.15 часот на крстосницата од улиците Филип Втори и Гоце Делчев во с. Кривогаштани, Прилепско, се случила сообраќајна незгода помеѓу „фолксваген голф“ со прилепски регистарски ознаки, управуван од 59-годишниот Т. К. од село Кривогаштани и мотоцикл „јујинг“ без регистарски ознаки, управуван од 17-годишниот Ф. Н. од село Свето Митрани, Прилепско.
Во незгодата тешки телесни повреди добил мотоциклистот Ф. Н. и бил пренесен во Градската болница во Прилеп.
Увид извршила екипа од Полициската станица Прилеп.