И.В. (19) и Љ.Д. (33) од Куманово се тешко повредени во сообраќајка што се случила вчера попладне на булеварот „Октомвриска Револуција“.
Според полицијата, до незгодата дошло откако се удриле мотоцикл „Фелинг“ без регистарски ознаки, управуван од И.В., патничко возило „Мерцедес“ со кумановски регистарски таблици, управувано од М.П. (28) и пешакот Љ.Д., сите од Куманово.
По укажаната лекарска помош во кумановската болница, Љ.Д. и И.В. како итни случаи се префрлени во скопскиот ургентен центар.
Увид на местото изврши екипа од СВР Куманово. Се работи на расчистување на случајот.