Вчера попладне, во 13.25 часот било пријавено дека на локалниот пат кој води од автопатот Тетово – Гостивар кон селото Врапчиште, гостиварско, се случила сообраќајна незгода помеѓу товарно возило „даф“, со кратовски регистарски ознаки, управувано од 23-годишниот Д.Ф. од Кратово и мотоцикл „томос“, без регистарски ознаки, управуван од 66-годишниот Н.У. од Врапчиште.
Во незгодата, мотоциклистот се здобил со тешки телесни повреди, констатирани во Медицинскиот центар во Гостивар.
Извршен бил увид на местото на незгодата од увидна екипа од Полициската станица Гостивар.