МВР извести дека три товарни возила се судриле вчера околу 19 часот на магистралниот пат Охрид-Ресен, во близина на Прентов мост. Во несреќата едно лице се здобило со тешки повреди.
Во сообраќајката учествувале камион „рено“ управуван од Љ.Т.(56) од Охрид, „МАН“ со приколка управувано од П.Н.(47) од Велес и камион „митсубиши“ управуван од В.С.(43) од Охрид.
Со тешки повреди се здобил сопатник од возилото „митсубиши“, А.С.(41) од Охрид, констатирани во специјалната болница „Св.Еразмо“ во Охрид.