Вчера во 07.50 часот во Полициската станица Виница било пријавено дека на магистралниот пат Делчево-Кочани, кај село Истибања, виничко, патничко моторно возило „ауди“ со кочански регистарски ознаки, управувано од 34-годишниот С.А. од Кочани, излетало од коловозот и удрило во паркирано патничко моторно возило „мазда“ со винички регистарски ознаки, извести МВР.
– Во несреќата со тешки телесни повреди се здобил возачот, констатирани во Општата болница Кочани, соопшти МВР.
Извршен бил увид од увидна екипа од Полициската станица Виница.