Попладнево на влезот во Битола од страната на Ресен, во непосредна близина на бензиската пумпа на „Лук Оил“ се случи тешка сообраќајна насреќа во која има неколку полесно и потешко повредени лица на различна возраст. Повредените се пренесени во битолската Клиничка болница каде им се укажува помош.
Во сообраќајната незгода учествувале патничко моторно возило марка „Опел Вектра“ со струмички регистерски таблици и патничко моторно возило марка „Хјунадаи“ со битолски регистерски таблици.
Увид на местото на несреќата извршија стручни лица на СВР-Битола и истражен судија кои ги утврдуваат причините за сообраќајната несреќа што попладнево се случи на влезно-излезниот дел во Битола од патниот правец Прилеп-Ресен.