Едно лице загина, а четири се повредени во сообраќајна незгода што синоќа се случи на регионалниот пат Охрид – Струга во близина на Еврохотел.
Портпаролот на СВР Охрид Стефан Димоски информира дека незгодата се случила околу 20 часот кога патничко моторно возило „Фијат караван“ од засега непознати причини излетало од патот.
– Едно лице родено 1986 година од Кичево го загуби животот. едно е префрлено во специјалната болница за ортопедија и трауматологија „Св Еразмо“ во Охрид, а три во Струшката болница, изјави Димоски.
Од Болницата во Струга информираат дека две од повредените лица по укажаната помош веднаш биле пуштени на домашно лекување, а едно е препратено во специјалната болница „Свети Еразмо“.
Увид вршеше јавен обвинител во присуство на полициски екипи од сообраќајната полиција во Струга. Полицијата ги утврдува причините поради кои дошло до излетување на возилото од патот.