Тешка сообраќајна несреќа во која се повредени четири лица се случи утринава околу 9 часот на регионалниот пат Штип – Кочани, меѓу штипските села Долни Балвин и Крупиште. Во сообраќајката учествувале две патнички моторни возила, „матис“ и „пикап“.
Според првичните информации, во несреќата се повредени четворица патници од кои тројца кои биле во патничкото возило „матис“ и еден во „пикап“. Сите се хоспитализирани во Клиничката болница Штип.
Командирот на Противпожарната единица Кире Патраклиски вели дека и пожарната интервенирала при вадењето на патниците од автомобилите.
Оваа сообраќајна несреќа се случи на еден од најлошите свиоци на регионалниот пат Штип – Кочани.
Полицијата врши увид на местото настанот по што ќе се утврди кои се причините за тешката сообраќајна несреќа. Веќе еден час сообраќајот е во прекин на регионалниот пат Штип – Кочани, со што се создаде долга колона од тешки товарни возила.