Штета од околу 610 илјади денари претрпел Х.С.(44) откако непознати сторители денеска во периодот од 1 до 5 часот и 30 минути извршиле тешка кражба во неговата куќа на улица „166“ во тетовска Мала Речица, информираше портпаролот на СВР Тетово Марјан Јосифовски.
Според Х.С кој ја пријавил кражбата вкупната материјална штета изнесува над 610 илјади денари.
Јосифовски подвлече дека полицијата извршила увид, го фотодокументирала местото на кражбата и презема активности за откривање на сторителите.