Минатата 2016 година во Куманово биле регистрирани 405 интервенции, што претставува незначително намалување во однос на 2015 кога биле регистрирани 435 интервенции, соопшти денеска Територијалната противпожарна единица-Куманово.
– На отворено беа регистрирани 225 пожари, додека во 2015 беа регистрирани 235 пожари на обејкти, изјави Дејан Илиевски, командир на ТППЕ-Куманово.
Од ТППЕ-Куманово лани интеревнирале при гасење пожари на 94 објекти, на 27 патнички и товарни моторни возила и 59 останати интервенции, кои вклучуваат гасење пожари на ѓубришта, депонии, слами. Минатата година имале и 25 технички инетрвенции во сообраќајни несреќи, исмпумпување вода, учество во санирање на одредени состојби.
Од почетокот на годинава досега противпожарната единица интервенирала 36 пати.
Територијалната противпожарна единица-Куманово располага со девет противпожарни возила за отворен простор и за урбана средина.
– Имаме 51 пожарникар и релативно добро сме екипирани. Очекуваме успешно да се справиме со работните задачи и годинава, нагласи Илиевски.