Синоќа околу еден часот по полноќ, во кафеана во Сарај 33-годишен гостин почнал да го критикува сопственикот на кафеаната, зошто како муслиман пиел алхохол и зошто пуштал српска музика, по што извадил нож и се обидел да го повреди.
Тепачката продолжила во отворениот дел на локалот, а сопственикот на кафеаната се здобил до исекотини. Веднаш потоа напомош пристигнал неговиот 30-годишен син кој извадил пиштол марка „ЦЗ“ калибар 7,65 и пукал во гостинот при што го погодил во десната нога нанесувајќи му две прострелни рани, по што се дал во бегство.
И ранетиот почнал да бега, по што после околу двеста метри паднал во тревата покрај земјниот пат. Сопственикот на локалот го земал пиштолот од својот син и се засолнил во близина на кафаната од каде за настанот ја известил полицијата.
На лице место први пристигнале Алфите, кои ранетиот гостин го пренесле во Ургентен центар, а потоа и сопственикот на кафеаната поради исечениците бил однесен во Градската болница ГОБ „8-ми Септември“. По синот кој пукал сеуште трага полицијата.
