Министерот за одбрана Зоран Јолевски упати телеграма со сочувство до семејствата на загинатите припадници на полицијата, во вчерашната трагична хеликоптерска несреќа.
– Нашите мисли и нашите молитви се со вас. Ова е исклучително тежок период кој ќе го пребродиме само доколку сме сите заедно, сплотени во едно, стои во писмото од министерот Јолевски.
Воедно, министерот Јолевски вчера имаше и телефонски разговор со министерката за внатрешни работи Гордана Јанкулоска, при што беше посочено дека Министерството за одбрана и Армијата на Република Македонија се целосно подготвени да ги стават своите капацитети на располагање на полициските служби и вештаци, во целосно разрешување на случајот и утврдување на причините за оваа голема несреќа.