Претседателот на СДСМ Зоран Заев испрати телеграма со сочувство до семејството на познатиот диригент Саша Николовски – Ѓумар.
– Вие изгубивте близок член член на семејството и огромна е вашата болка за што било во овие моменти да има утешно значење. Но, загуби и Македонија, еден од најголемите уметници, признаен и во светски рамки, кој со своите индивидуални успеси, бројните награди и признанија, беше достоен претставник на нашата земја во светот, стои во телеграмата.
Саша Николовски – Ѓумар, како што се наведува, нема да недостига само како син, татко, сопруг, професиналец, туку и како човек, бидејќи како што кажуваат и самите негови колеги, големи се неговите лични заложби за достоинствени услови за работа и доброто на заедницата. – Тоа го става Саша Николовски – Ѓумар меѓу луѓето кои ќе се паметат по нивните вредности и дела и на коишто безвременски ќе се навраќа општетствената јавност во Македонија и пошироко, се вели во телеграмата од Заев.