Деветгодишен ученик во основното училиште „Страшо Пинџур“ во скопската населба Даме Груев е претепан од татко на негово другарче, информира скопската полиција.
Инцидентот, велат од полицијата се случил вчера околу 13:10 часот во дворот на училиштето.
Предходно, двете деца се скарале. Другарот на претепаното дете му се пожалило на таткото, кој потоа дошол во училишниот двор, и штом го видел детето, почнал да го удира.
Од полицијата велат дека започнале истрага за немилиот настан и најавија дека наскоро ќе поднесат пријави.
