Полициски службеници уапсиле татко и син од Крушево затоа што со пила и остар предмет се заканувале на шумочувари, вработени во ЈП „Македонски шуми“, информира МВР.
– На 14.05.2021 околу 10.30 часот на место викано „Чешма“ во Крушево, полициски службеници од ОВР Крушево ги лишиле од слобода Б.К.(53) и неговиот син В.К.(21), двајцата од Крушево, затоа што со пила и остар предмет се заканувале на шумочувари, вработени во ЈП „Македонски шуми“ – Крушево, при што Б.К. повредил еден од нив, соопштува Министерството за внатрешни работи.
На наведеното место шумочуварите ги затекнале приведените при транспорт на нелегално исечени огревни дрва.
Б.К. и В.К. биле приведени во Полициската станица Крушево и по целосно документирање на случајот против нив ќе биде поднесена соодветна пријава.