ТАРБС ги повлече сите тужби против Република Македонија, Владата и Министерството за транспорт и врски и се согласи да ги исплати трошоците за постапката за одбрана на тужбата, информира министерот за транспорт и врски, Миле Јанакиески.
ТАРБС ја повлекoл тужбата на 14. мај, еден ден пред почетокот на судењето во Комерцијалниoт суд, а Министерството за транспорт ја добило судската одлука за повлекувањето на тужбата пред два дена.
„Целосното повлекување на тужбата од страна на ТАРБС против Министерството и нивната согласност да ги исплатат трошоците за постапката целосно ја оправдува позицијата на Министерството за транспорт за време на судската постапка“, изјави Миле Јанакиески.