Градоначалникот на Гостивар, Арбен Таравари, вечерва ги посети повредените пацинети кои се сместени во болницата 8 ми Септември.
„Повеќето од пациентите се во добра состојба, само двајца од нив во моментов се во критична состојба. Некој од пациентите се многу добро и се надевам за брзо време ќе бидат пуштени на домашно лекување,“ изјави Таравари.
Општината и Советот ќе разговараат и ќе видиме како можеме да помогнеме и да излеземе во пресрет на семејствата, посочи Таравари додавајќи дека ова е најлошата несреќа досега.
Утринава пак на комеморативната седница за загинатите во сообраќајната несераќа, Таравари изрази надеж дека граѓаните ќе извлечат поука од оваа трагедија дека треба да живееме и да се почитуваме едни со други. Тој изрази и благодарност до државните и приватните институции и селаните, што помогнале во моментот.
„Денес е ден на жалост, им се искажува почит на загинатите. Мое длабоко сочуство до семејството. Ова досега е најтежок говор. 14 човечки животи, 14 прекинати приказни. Тие се враќаа дома во нашиот Гостивар, но не било пишано. Тоа е божјата волја“, рече Таравари и додаде дека ова е еден од најстрашните моменти во историјата на градот.