ВМРО-ДПМНЕ е дефиниција за расипничко трошење на парите на граѓаните, а арамиското гнездо – Белиот дворец е изграден со злоупотреба на парите на граѓаните, порача пратеникот на СДСМ, Миле Талески на денешната собраниска седница.
„ВМРО-ДПМНЕ е партија која има 400 обвинети партиски функционери за кои се покренати обвиненија за сторен криминал и злоупотреба на службената положба за периодот кога биле на власт. Е така сте ги трошеле парите на граѓаните, за што постојат и околу 40ина признанија на функционери од ВМРО-ДПМНЕ. За сето тоа има пресуди со вкупно над 150 години затвор, исто така за функционери на ВМРО-ДПМНЕ“, порача Талески.
Талески истакна дека во ВМРО-ДПМНЕ ништо не се менува а доказ за тоа е начинот на кој ја практикуваат локална власт.
„Во 80 отсто од општините ВМРО-ДПМНЕ е на власт. Прво на што се сопнавте беше криминалот и корупцијата, со Данела Арсовска се скаравте за тендер, за тоа кој да земе провизии“, посочи Талески, додавајќи дека пратениците од ВМРО-ДПМНЕ воопшто не мислат на граѓаните.