Претседателот на Собранието, Талат Џафери е хоспитализиран на Клиниката за инфективни болести во Скопје, неофицијално, поради тешки респираторни проблеми кои ги имал изминативе денови. Информацијата за „А1он“ ја потврди портпаролот на ДУИ, Артан Груби, кој кажа дека нема повеќе детали поради тоа што е отсутен од државата.
„А1он“ се обиде да исконтактира и со Бујар Османи, но и тој досега не даде одговор дали респираторните проблеми на Џафери се последица на коронавирус, иако неофицијалните информации велат дека тестот кој го направил тој е негативен.
Претходно, позитивен тест на коронавирус имаа министерот за образование, Арбер Адеми и министерот за економија, Крешник Бектеши, кои информацијата ја споделија на социјалните мрежи.