Министерот за одбрана на Република Македонија, Талат Џафери, денеска во рамки на работната посета на Република Словенија, оствари одвоени средби со претседателот на Словенија, Борут Пахор, со началникот на Генералштабот на словенечката армија, бригадирот Добран Божич и со претседателот на Комисијата за одбрана при словенечкото собрание, Франц Јурша, соопшти Министерството за одбрана.
На средбите, Џафери се заблагодарил за значајната поддршка на Република Словенија за целосно интегрирање на Република Македонија во НАТО и во Европската Унија. Се разговарало за билатералната и мултилатералната соработка, како основа за развој и просперитет на целиот регион.