СВР Штип по претходно преземени мерки и активности деновиве расветли повеќе кривични дела од кои: четири кривични дела „кражба“ извршени во Штип од автобуси, од кои е одземена нафта, од стан е одземен мобилен телефон и катализатор од патничко моторно возило, две кривични дела „тешка кражба“ од кои една е извршена од товарно моторно возило при што сторителот се обидел од резервоарот да источи и одземе нафта, но тој од страна на полициски службеници е фатен на лице место и една тешка кражба од куќа од каде е одземен мобилен телефон и пари.
МВР денеска соопшти дека е расветлено и едно кривично дело тешка кражба на дрзок начин при што сторителот од вратот на оштетената и скинал и одзел златно ланче и две кривични дела одземање на моторно возило.
Од страна на СВР Штип откриени и фатени се шест лица на возраст од 17-40 години и поради постоење на основано дека тие се сторители на горенаведените кривични дела по целосно комплетирање и документирање на настаните ќе бидат поднесени соодветни пријави.