Да се овозможат подобри здравствени услови е пораката која ја упатија членовите на здружението Хемофил, денеска од градскиот плоштад од Куманово, по повод Светскиот ден за борба против хемофилија.
Од Здружението на граѓани „Хемовил“ истакнаа дека во Македонија се регистирани 315 лица со хемофилија а и б, од нив 50 возрасни и 10-ина деца со тешка форма, кои секојдневно се соочуваат со низа потешкотии и проблеми. Оттаму велат дека по десет години откако е воведена програмата за фактор и коагулација на годишно ниво количната за овие лица е шест милиони единици и е недоволна.
– И Куманово се соочува со истиот проблем односно овие пет лица кои требуваат фактор. Се снабдуваме дека оваа година Министерството за здравство, институциите ќе го слушнат нашиот глас, ќе ги зголемат количините, затоа што тоа ни е гарант за квалитетен живот да не се криеме, да сме рамноправни со остантите граѓани, изјави Ирена Ѓурчиновска, претседател на здружение „Хемовил“.
Членовите на Здружението денеска оствариле средба и со директорката на општата болница Куманово Снежана Захариева, која им ветила дека ќе се заложи за подобрување на условите во болницата за оваа целна група.
– Имам хемофилија од тешка форма. Првпат ми е регистрирана на девет месечна возраст и постојано имам проблеми со крварењата тие најчесто се застапени во зглобовите така што имам проблеми со движењето. Не бев соодветно лекуван, да имаше лек, немаше да е вака. Се надеваме дека во идинина ќе има подобри услови, изјави Јанчо Ѓоргески, заболен од хемофилија.
Се проценува дека во светот од хемофилија боледуваат 400 илјади луѓе, а 25 проценти немаат адекватно лекување.