Свечени празнични богослужби во Соборниот храм по повод празникот и патрон на МПЦ-ОА Св. Климент Охридски

Од:

По повод празникот на големиот Светител Климент Охридски, патронот на нашата Света Црква – Македонската православна црква – Охридска Архиепископија, во Соборниот храм во Скопје, посветен нему, утревечер со почеток во 17:30 часот ќе се одржи свечена празнична богослужба, со благослов на Неговото Блаженство, Архиепископот Охридски и Македонски г. г. Стефан, а ќе служи Неговото Преосвештенство, Епископот Антаниски г. Партениј, во сослужение со клирици од Скопската епархија и свештенислужители од Бигорскиот манастир.

На денот на самиот празничен ден, 8 декември, во 9.00 часот, со благослов на Неговото Блаженство, Архиепископот Охридски и Македонски г. г. Стефан, Света Божествена Литургија ќе служи Неговото Високопреосвештенство, Митрополитот Повардарски г. Агатангел, во сослужение на архијереите: Митрополитот Тетовско-гостиварски, г. Јосиф и епископот Антаниски, г. Партениј, како и бројни свештенослужители на нашата Света Црква.
-На самото празнување, за радост и благослов на верниот народ, за поклонение ќе бидат изнесени светите мошти на светителот Климент Охридски, наведуваат од МПЦ-ОА.
Воедно, апелираат до верниците да ги почитува мерките за заштита од коронавирусот, односно задолжително носење на маски и држење социјална дистанца.

Би можело да ве интересира

Игуменот Георгиј е нов митрополит на Дебарско-кичевската епархија

Горан Наумовски

ВМРО-НП: Дали Македонската православна црква го слуша гласот на своето стадо или работи по диктат од надвор?

Струмичка православна епархија: Измамничка шема на профилот на Библиска Македонија

Српскиот патријарх Порфириј: Одлуката за МПЦ беше најспасоносна и најдобра, и за нив, и за нас, за сите

Предраг Петровиќ

Г.г. Стефан: Ништо друго не може да ни даде сила и утеха освен надежта во воскресението

МПЦ-ОА замолува за достоинствено и христијанско однесување на погребите