Во соборниот храм „Св.Климент Охридски“ во Скопје во рамки на чествувањето на Христовото воскресение – Велигден претпладнето се одржа Света Златоустова литургија, со која богослужеше Архиепископот охридски и македонски г.г. Стефан.
На велигденската литургија заедно со бројните верници беа претседателот Ѓорѓе Иванов со сопругата, скопскиот градоначалник Коце Трајановски и претседателката на Комисијата за верски заедници Валентина Божиновска.
Воскресението Христово на полноќ беше објавено во сите храмови на Македонската православна црква. Најголемиот христијански празник Велигден е ден кога Исус Христос ја докажал својата божествена моќ и воскреснал од мртвите.