На небото над небото над Македонија сјае Супер Месечина, а со дополнителна опрема видлива беше и Меѓународната вселенска станица која вечерва од 20 часот до 20 часот и 30 минути помина над дел од Балканскиот полуостров и медитеранот.
На фотографиите кои ги објави порталот Охрид1 направени од Стојан Стојаноски од Астрономското друштво Охрид видлива е Супер Месечината во моментите кога изгрева над сртовите на планината Галичица, а десно од неа видлива е траекторијата по која се движи Меѓународната вселенска станица која е фотографирана со т.н. долга експозиција во траење од 4 секунди, па така на фотографијата отцртана е и траекторијата по која станицата поминувала на небото.
Супер Месечина настанува кога земјата и месечината се најблиску една до друга, а вечерва тоа растојание изнесуваше 356.991 километри.