Сугарески: Граѓаните не можат да добијат сопственост на домовите, ВМРО-ДПМНЕ го блокира носењето на Законот за легализација

Од:

Пратениците од ВМРО-ДПМНЕ во Собранието поднеле околу илјада амандмани за новиот Законот за легализација, соопшти министерот за транспорт и врски, Горан Сугарески.

Според него, тие намерно ги кочат процесите, кои пак, тврди дека е во интерес на граѓаните. Сугарески тврди дека со амандманите и неможноста да се донесе законот до распуштање на Собранието, пратениците на опозицијата оневозможиле околу стотина илјади објекти на граѓани да бидат легализирани.

„Претпоставувам дека тоа го прават само поради една причина, си играат со трпението на граѓаните во неможност да понудат квалитетни законски решенија. Законот за легализација има цел да се стави крај на узурпацијата на просторот, а граѓаните да добијат сопственост на своите домови“, посочи Сугарески.

Министерот тврди дека партијата ВМРО-ДПМНЕ, претходно носела решенија за легализација со кои овозможувале, како што вели, партиските профитери да си ги легализираат своите хациенди, згради и вили за по едно евро, а сега тоа се стопира.

„Упатувам апел до пратениците да покажат конструктивност и да го изгласаат законот. Станува збор за класична блокада, со директна штета на граѓаните“, додаде Сугарески.

Би можело да ве интересира

Собранието го донесе Законот за медиуми и други закони

Горан Наумовски

МЗШВ: Собранието го донесе новиот закон за вино, лозарите добиваат гарантирана откупна цена на винското грозје

Нов парламентарен состав до 28 мај

Катерина Ѓуровски

Последната седница на овој парламентарен состав ќе се одржи до крајот на месецов

Не е донесен Законот за игри на среќа, постапката заврши

Катерина Ѓуровски

СДСМ предлага отворање медицински факултет во Битола, ВМРО-ДПМНЕ смета дека нема услови