Судскиот совет на Република Македонија на денешната седница, како што е објавено на веб страницата на Советот, треба избира претседател на Апелацискиот суд Скопје и на Основниот суд Дебар. Претходно, Советот треба да ги усвои конечните ранг-листи на кандидатите за претседатели на овие два суда.
Членовите на Судскиот совет на затворен дел од седницата ќе го разгледуваат извештајот од извршениот увид во функционалноста на информатичкиот систем и надзор над примената на одредбите од деловникот во судовите доставен од Министерството за правда.
На седницата ќе бидат разгледани и пет барањa за поведување на постапка за утврдување на одговорност за судија.