Судот го прифати предлогот на Обвинителствo – Крешник Бектеши оди во куќен притвор

Од:

Основниот суд Кочани го прифатил предлогот на Јавното обвинителство за укинување на ефективниот притвор и замена со поблага мерка, куќен притвор, за поранешниот министерот за економија Крешник Бектеши.

Судот се уште нема одлучувано по останатите предлози на Обвинителство за 19 лица, во врска со трагедијата во дискотеката „Пулс“ во Кочани.

Портпаролот на Основниот суд Кочани попладнево информира дека судија на претходна постапка одлучувал по предлогот за Бектеши, додека за другите се чека делегирање на член од Кривичен совет и да се произнесат адвокатите по предлозите.

– По останатите предлози се уште не е одлучено. До судот се доставени. Се постапува по истите, кога ќе има одлука јавноста ќе биде информирана, изјави портпаролот на ОС Кочани.

Државното јавно обвинителство вчера соопшти дека до ОС Кочани освен предлогот за замена на изречената мерка „притвор“ со „куќен притвор“ за две лица, доставен е предлог и за продолжување на претходно определени мерки притвор и куќен притвор за 18 лица.

– Согласно фазата во која се наоѓа постапката и доказите кои веќе се обезбедени, обвинителството до Основниот суд во Кочани достави предлог за замена на претходно определената мерка притвор со мерка куќен притвор за двајца осомничени – поранешен министер и поранешен државен секретар во Министерството за економија, додека за 18 лица предложено е продолжување на претходно определени мерки притвор и куќен притвор. По предлoзите на обвинителството ќе одлучува Судот, се наведува во соопштението.

Во пожарот во дискотеката „Пулс“ во Кочани што се случи ноќта на 16 март загинаа 62 лица, а околу 200 беа повредени.

Би можело да ве интересира

Поднесено е обвинение против сопственикот на агенцијата која ја обезбедуваше кочанската дискотека „Пулс“

Горан Наумовски

Марш на ангелите во Кочани: Нашите деца загинаа затоа што системот потфрли!

А1он

Протестен „Марш на ангелите“: Овој случај да добие епилог, да не се заташка и заборави

ВИДЕО: Пет месеци по трагедијата, родителите на жртвите повторно маршираа во Кочани

Катерина Ѓуровски

16. Марш на ангелите во Кочани: До каде е постапката за полициските службеници за пожарот во „Пулс“?

Горан Наумовски

Продолжен е притворот на обвинетите за пожарот во дискотеката „Пулс“