Судиите поротници се сериозен проблем за скопскиот Кривичен суд, еден постапувал по 28 предмети

Од:

Судијата Горан Бошевски од Кривичниот суд Скопје, неодамна разрешен и суспендиран од страна на Судскиот совет, постапувал по 28 предмети (два се веќе завршени) и истите се поставени во системот АКМИС за расподелување кај другите судиите од Секторот за организиран криминал, брифираат од Кривичниот суд Скопје. Додека судијата поротник Митко Сандев, освен во предметите Талир, Тендери, Титаник и Топлик, учествувал и во пет други предмети.

Од 2013 година согласно систематизацијата на Кривичен суд предвидено е да се ангажираат 200 судии поротници, односно актуелно во Кривичниот суд Скопје имаа 54 активни поротници и шест поротници избрани на 14 јули, кои дополнително треба да почнат со работа. Во последниот оглас објавен од Кривичен суд Скопје, биле пријавени 15 кандидати за судии поротници, од 50 колку што се барале, а седуммина од пријавените биле на возраст од 58 години.

– Дневницата е мала. На месечно ниво земат по 6000 денари, односно 500 денари од ден. Имаме различни ситуации со судиите поротници. На сред судење во случајот „Ласкарци” судија поротоник го известил судијата на предметот дека ќе си оди и законот не предвидел механизам во ваква ситуација да му се наметне на поротникот да остане. Има случај кога судија поротник си заминал во Германија, велат од Кривичен суд Скопје. Оттаму признават дека поради нив пропаѓаат предмети и дека таа функцијата не е мотивирачка.

– За предметите каде судија поротник беше Митко Сандев, ќе биде назначен нов. Дали предметите ќе почнат од почеток воопшто не зависи од судот, односно тоа зависи од странките во постапката. Постои можност судењата по овие предмети да не почнат по почеток, туку во едно рочиште формално да се читаат записниците, појаснуваат од Кривичен суд Скопје.

– Во ниту еден од овие предмети не постои опасност да застарат, односно најрано застарува за еден обвинет во 2024 година, за сите други застаруваат во 2053 година. Опасност за застарување нема, тие не пропаднаа, може да почнат од почеток, но може и да продолжаат таму каде што застанале, велат од Кривичен суд Скопје, од каде велат дека кај одредени обвинети како што се Никола Груевски, Миле Јанакиевски, кои се обвинети во повеќе предмети треба да се внимава да не се повреди правото на одбраната со закажување на чести судења.

Нова ситуација со која се соочуваа Кривичниот суд Скопје е конкурсот објавен од Судскиот совет за четири слободни места за судии во Скопската апелација, на кој може да конкурираат и судиите кои веќе ги водат предметите на поранешното СЈО. За МИА од Кривичен суд Скопје, велат дека постојано има движење на судиите, тие напредуваат од прв до трет степен.

– Доброто е што во последно време имавме и избор на 5 судиите за Кривичен суд Скопје, тоа е доброто. Во минатото немавме избор, туку имаше само одлив на судии, напредуваа во Апелација. Постои можност Судскиот совет да ги остави да ги довршат предметите тука, покрај тоа што ќе бидат избрани за судии во Апелација, истакнуваат од Кривичен суд Скопје.

Годишно во Кривчниот суд Скопје, се судаат преку 100.000 предмети, од кои 70.000 предмети се нови. Согласно систематизацијата на овие предмети требат да работат 74 судии, меѓутоа моментално во кривичниот суд работат 44 судии.

– Работиме согласно капацитетот што го имаме. Судиите одбиваат да учествуваат како помошник, резервни судии во една постапка затоа што законот на крај при еваулација им ја намалува оценката. Потребни се измени на законот за да постапуваме и во овие ситуации, велат од Кривичен.

Би можело да ве интересира

Пресудата не може да опстои, лажна исправа не е изработена, вели адвокатот на сопственикот на „Беса Транс“

За несреќата надлежно е бугарското обвинителство, овој предмет е за фалсификување на исправата, вели обвинителот во предметот „Беса Транс“

Кривичен го препрати предметот против Мерко во струшкиот суд: Не биле надлежни тие, туку судот во чие подрачје се извршило делото

Судски совет утре ќе одлучува да за враќање на Шабани во Кривичен суд до завршување на „Талир“ и „Титаник“

А1он

Таткото на Вања останува во притвор: Кривичен го одби барањето на адвокатот Туфегџиќ за куќен притвор

Александар Тодески

Судијката Ристеска се враќа во Кривичен суд до објавување на пресудата за Ласкарци

Александар Тодески